خروج 14 باب 14 آیت: ”خُداوند تمہاری طرف سے جنگ کریگا اور تُم خاموش رہو گے”۔
اِس آیت میں موسیٰ اسرائیلیوں کو بتاتا ہے ”خُداوند تمہاری طرف سے جنگ کریگا اور تُم خاموش رہو گے”۔ اُس وقت وہ لال سمندر کے کنارے پر کھڑے تھے اور مصری فوج اُن کے پیچھے تھی۔ اسرائیلی بظاہر ایک نہ ممکن صورتِ حال میں تھے، لیکن خُداوند نے خود اُنہیں اِس صورتِ حال سے نکالا کیونکہ خُدا اِس بات کو مصریوں اور اسرائیلیوں کے سامنے صاف شفاف کرنا چاہتا تھا کہ وہ خُداوند ہے اور سارا جلال اُسی کا ہے۔ خُدا اسرائیلیوں کو یہ سکھانا چاہتا تھا کہ وہی اُن کو پہنچانے والا اور اُن کی نجات ہے اور وہ اِس قابل نہیں تھے کہ اپنے آپ کو اِس صورتِ حال سے نکال پاتے، اُنہیں خُدا کا انتظار کرنے کی ضرورت تھی کہ جب خُدا کا حکم آئے گا تو پھر آگے بڑھیں گے۔
خُدا نے جنت کی ہوا اور سمندر کی لہروں کو حُکم دیا اور سمندر کو دو حصوں میں تقسیم کر دیا اور اُن کی طرف سے جنگ کی اور اُن کا دھیان رکھا اور دُشمن سمندر میں ڈوب گیا۔
مسیحی ہوتے ہوئے اگر ہم اِس مثال سے سیکھتے ہیں، تو یہ ہماری زندگی میں قوت اور زندگی بدل سکتی ہے۔ جب ہم مسیحی خُدا پر یقین رکھتے ہیں کہ وہ ہماری جنگ لڑے گا، تو وہ ہماری مدد کرتا ہے کہ ہم اپنی گھبراہٹ، اپنے خوف، اپنے منفی خیالات اور اپنے دشمن کی طرف سے نہ اُمیدی پر قابو پا سکیں۔ ایسے وقت بھی آتے ہیں جب ہمیں اپنی مشکلات سے نکلنے کا راستہ نہیں ملتا، ایسی صورتِ حال کہ جس میں ہم اسرائیلیوں کی طرح چھلانگ لگا دیتے ہیں کہ جب وہ گھیرے میں تھے۔ جب ہمیں کوئی راستہ نظر نہ آئے، تو ہمیں مسیحی ہوتے ہوئے خُدا کے کلام پر بھروسہ رکھنا چاہیے کہ ہمارے خُدا کے لئے کوئی بھی جنگ جیتنا مشکل نہیں ہے۔
ہمیں اپنے ذہن میں تحمل مزاجی سے، صبر سے، سکون سے اور خاموشی سے رہنا چاہیے۔ اور اپنی گھبراہٹ، اپنے خوف، اپنے منفی خیالات اور اپنی مایوسی کو ظاہر نہیں کرنا چاہیے لیکن خُدا میں بھروسہ رکھنا چاہیے کہ سب کچھ خُدا کے ہاتھ میں ہے اور وہ ہمارے لئے جنگ کرتا ہے۔ جیسے خُدا نے لال سمندر کو تقسیم کردیا، اور اسرائیلیوں کو بھاگنے کے لئے راستہ فراہم کیا، وہ آپ کے لئے اور میرے لئے بھی ایسا ہی کرے گا۔ اُس کا کلام اور اُس کے وعدے ہمیشہ قائم رہتے ہیں۔ وہ آپ کو کبھی بھی پیچھے نہیں چھوڑے گا۔ خُدا فتح پانے والا ہے اور آپ بھی فتح پاؤ گے کیونکہ آپ بھی اُس میں ہیں۔ ہمیں اپنا ایمان اُس پر رکھنے کی ضرورت ہے اور اُسے لڑنے دیں اور وہ ہر چیز پر قابو پا لے۔
خُدا آپ کو برکت دے اور وہ آپ کی مدد کرے کہ آپ اُس کے راستے پر چلیں اور اُس کی پیروی کرتے ہوئے اُس کے کلام کو سمجھیں۔ آمین!
