متی 10 باب 28 آیت: ” جو بدن کو قتل کرتے ہیں اور روح کو قتل نہیں کر سکتے ان سے نہ ڈرو بلکہ اسی سے ڈرو جو روح اور بدن دونوں کو جہنم میں ہلاک کر سکتا ہے”۔
پاک کلام کی یہ آیت ہمیں ہمت اور طاقت دیتی ہے اور ایک ایسی حقیقت سے رونما کرتی ہے جسے ہم جانتے ہوئے بھی ایک ڈر کے ساتھ زندگی گزارتے ہیں. کبھی کبھی ہم ایسے لوگوں سے ڈر کر اپنے خدا کا انکار کر دیتے ہیں جن کا وجود فانی ہے. پاک کلام کہتا ہے کہ ان لوگوں سے ہر گز مت ڈرو جو صرف آپ کو جسمانی طور پر قتل کرتے ہیں۔
ہمیں حقیقی طور پر صرف اپنے خالق، اپنے خدا کا ڈر و خوف ہونا چاہیے جو روح اور بدن دونوں کو ہلاک کر سکتا ہے. کسی طرح کا بھی عمل کرتے وقت ہمیں اس کا ڈر و خوف اپنے دل میں رکھنا چاہیے تاکہ ہم کم سے کم برائی کی طرف اپنا رجہان رکھیں. کیوںکہ خداوند کا خوف دانائی کا شروع ہے. مسیح میں جان دینے تک وفادار رہیں اور اپنے خدا کے علاوہ کبھی کسی اور سے نہ ڈریں. خداوند آپ سب کو اپنی برکات سے نوازے اور آپ سب کی تمام مشکلات کو دور کرے۔ آمین!
