Tag: آج کا کلام

آج کا کلام مسیحیت کی پاکیزگی کو ظاہر کرتا ہے کہ ہم سب مسیح میں ایک دوسرے کے ساتھ ایک باہمی تعلق رکھیں اور خدا کی عبادت کریں۔ کیونکہ یسوع ہمیں یہی سکھاتے ہیں۔ اور ایک مسیحی ہوتے ہوئے اپنے آپ کو تمام برائیوں سے دور رکھیں۔ شیطان اور اُس کی بدروحیں ہر ایمان والے کی راہ میں رکاوٹ بنتی ہیں۔ وہ اپنے ہر بُرے کام کا لالچ دیتے ہیں تاکہ ایک مسیحی مسیح کے ساتھ اپنی فرمابرداری اورایمان سے دور ہو جائے۔ کوئی بھی شیطان کے حملے سے نہیں بچ پایا ہے اور نہ ہی کوئی اُن سے بچنے میں مکمل طور پر کامیاب ہو پایا ہے۔ لیکن بہت سے مسیحی گناہ کے سامنے خاموش ہو جاتے ہیں کیونکہ اکثر اُنہیں فتح کی کوئی اُمید نہیں دکھتی۔ وہ کوشش کیے بغیر ہی ہار مان لیتے ہیں۔ یہ ایک بدقسمتی کی حالت ہوتی ہے، جو نہ اُمیدی پیدا کرتی ہے۔ آج کا کلام ہمیں یہ بتاتا ہےکہ یہ ایک ایمان والے کو اندھا کردیتی ہیں کہ وہ یہ بھی نہیں دیکھ پاتے کہ خُدا نے اِن گناہوں سے بچنے کے لئے شاندار راستے بنائے ہیں۔ آج کا کلام دیکھتے ہوئے ہم آپ کے  سامنے بائبل کی کچھ آیات پیش کرنا چاہتے ہیں جو آپ کی اِس بات میں مدد کریں گی کہ خُدا نے اپنے کلام کے ذریعے گناہ سے بچنے کی تعلیم دی ہے اور خبردار کیا ہے۔ یہ مضامین آپ کو آج کا کلام سمجھنے میں مدد کریں گے کہ آپ گناہ کے وقت اپنے آپ کو مضبوط بنا سکیں، تاکہ آپ خُدا پر ایمان رکھیں اورگناہ پر فتح پائیں۔ آمین۔