بہت سے لوگ یہ سوال پوچھتے ہیں کہ کیتھولک پادری شادی کیوں نہیں کر سکتے۔
یسوع مسیح نے کہا : ” کچھ بہنیں ایسی ہیں جو آسمان کی بادشاہی کی خاطر خود کو آزاد کر لیتی ہیں”۔ اِس جملے میں یسوع مسیح تمثیلی طور پر بات کر رہے ہیں۔ یہاں پر یسوع مسیح اُن لوگوں کے بارے میں بات کر رہے ہیں جنہوں نے خدا کی بادشاہی کی خاطر دُنیاوی زندگی چھوڑ دی۔ ہمارے نظریے میں وہ کون لوگ ہیں جو یسوع مسیح کے اِن الفاظ پر پورا اُترتے ہیں؟ یہ وہ ہی لوگ ہیں جو ایک سادہ زندگی گزارنے کا وعدہ کرتے ہیں۔ کسی بھی دوسرے چرچ کے خادم مسیح کے الفاظ پر پورا نہیں اُترتے۔ صرف کیتھولک چرچ کے خادم یسوع مسیح کے الفاظ پر پورا اُترتے ہیں۔ یہ ہم سب کے لئے فخر کی بات ہے کہ دُنیا میں کیتھولک چرچ کے بارہ لاکھ خادموں نے اپنی زندگی خدا کی بادشاہی کے نام کردی اور سادہ زندگی گزار رہے ہیں۔ خدا کے یہ الفاظ تمام شادی شودہ لوگ پورے نہیں کر سکتے کیونکہ خدا پورا وقت اور محبت چاہتا ہے۔ وہ اپنے خاندان کی ذمہ داریاں پوری کرتے ہیں اور پھر خدا کو وقت دیتے ہیں۔ لیکن جن خادموں نے خدا کی خاطر اپنی زندگی وقف کر دی ہے اُن کا دل گھریلو ذمہ داریوں میں مصروف نہیں رہتا بلکہ وہ اپنے پورے دل سے خدا کی خدمت کرتے ہیں۔ ایک اور حوالہ اِس بارے میں ہمیں بتاتا ہے کہ یسوع مسیح نے کہا،
متی 22 باب 30 آیت: ” کیونکہ قیامت میں بیاہ شادِی نہ ہوگی بلکہ لوگ آسمان پر فرِشتوں کی مانِند ہوں گے”۔
البتہ ہمارے فادر اور سِسٹرز آسمان کی بادشاہی کی خاطر اپنی یہاں کی زندگی کو قربان کر دیتے ہیں۔
