زبور 6: ” اَے خُداوند! تُو مجھے اپنے قہر میں نہ جھڑک اور اپنے غیظ و غضب میں مجھے تنبیہ نہ دے۔ اَے خُداوند! مجھ پر رحم کر کیونکہ میں پژ مُردہ ہو گیا ہوں۔ اَے خُداوند مجھے شفا دے کیونکہ میری ہڈیوں میں بے قراری ہے۔ میری جان بھی نہایت بے قرار ہے اور تُو اے خُداوند! کب تک؟ لَوٹ اے خُداوند! میری جان کو چھُڑا۔ اپنی شفقت کی خاطر مجھے بچا لے۔ کیونکہ موت کے بعد تیری یاد نہیں ہوتی قبر میں کون تیری شکرگزاری کریگا؟ میں کراہتے کراہتے تھک گیا۔ میں اپنا پلنگ آنسوؤوں سے بھگوتا ہوں۔ ہر رات میرا بستر تیرتا ہے۔
میری آنکھ غم کے مارے بیٹھی جاتی ہے اور میرے سب مخالفوں کے سبب سے دُھندلانے لگی۔ اے سب بدکردارو! میرے پاس سے دُور ہو کیونکہ خُداوند نے میرے رونے کی آواز سُن لی ہے۔ خُداوند نے میری مِنت سُن لی۔ خُداوند میری دُعا قبول کریگا۔ میرے سب دُشمن شرمندہ اور نہایت بے قرار ہونگے۔ وہ لَوٹ جائینگے۔ وہ وفعتہً شرمندہ ہونگے”۔ آمین!